SEBETUS hodie FIUME DELLA MADDALENA

SEBETUS, hodie FIUME DELLA MADDALENA

teste Scipione Mazzellâ, fluv. exiguus Campaniae apud Neapolim fluens. Eius meminit Columella l. 10.

Doctaque Parthenope, Sebethide roscida lymphâ.

Stat. l. 1. Silv. 2. v. 260.

At te nascentem gremiô mea prima recepit

Parthenope: dulcisque solo tu gloria nostrô

Reptâsti: nitidum consurgat ad aethera tellus

Eubois; et pulchrâ tumeat Sebethos alumnâ.

Vibius in Catalogo fluminum: Sebethos Neapoli in Campania. Virg. Aen. l. 7. v. 733.

Nec tu carminibus nostris indictus abibis

Oebale, quem generâsse Telon Sebethide nymphâ

Fertur; Teleboum Capreas quum regna teneret.

Ubi Servins: oebalus filius est Telonis et nymphae Sebethidis: haec autemest iuxta Neapolim, Sed Telon diu regnavit apud Capreas insulam, contra Neapolim sitam. Populariter Fornello; et vicatim per Neapolim delabitur, omnibus civibus usum praestans. Sed eius pars prope muros Urbis labitur, et paulo infra pontem S. Magdalenae in Sinum Neapolitanum se exonerat, unde etiam multis dicitur Fiume della Madalena, Baudrand.